Trök in de tied deil 4
Trök in de tied deil 4
2018 : ein vurige oetdaging mit ein tikkelke plezeier
‘t Jaor 2018 brach ein unieke brón van insjpiratie veur oze wage: De Brandjsjlang. Veer höbbe dit evenemènt op ós eige meneier tot laeve gebrach, wo-in veer es groep versjillende café’s bezuike, sjpelle sjpele en natuurlik get drènke.
Ós creatie? Eine indrökwèkkende brandjwaerwage! In combinatie mit oze gróp, gans gekleid es brandjwaermen, slaagde veer d’r in óm ‘t thema op ein sjpeelse meneier te besjrieve. ‘t Resultaat waor eine wage dae neit allein indrökwèkkend oetzoug, mer ouch eine glimlach op ‘t gezich van ‘t publiek brach.
‘t Boewe van de wage waar aevel neit zónger oetdaginge. Zelfs laat op zaoterdigaovend ware veer nog bezig mit ‘t repareiere van ein bewaeging die neit wol wirke. Helaas waore alle insjpanninge tevergaefs, en veer moosjte oeteindelik doorgaon zónger dit bewaegende elemènt.
Toch kieke veer trök op ein jaor vol teamwirk en doorzèttingsvermouge. Veer höbbe zeker de sfeer en de gezèlligheid euvergebrach die De Brandjsjlang symboliseiert ónger d’n optoch. 2018 leit zeen dat ein goud verhaol en eine hechte gróp alles kènt euverwènne!
